امتى تشتغل فرى لانسر ؟

اول كلمة هقولها قطيعة محدش بياكلها بالساهل

• علشان تبدأ تشتغل Freelancer يعنى تبقى مستقل فى شغلك فيه 7 حاجات لو مش بتعرف تعملها  و مش عايز تتعلمها يبقى بلاش تبقى فرى لانسر و خليك فى شغلك او وظيفتك العادية و اقبض اخر الشهر و ريح دماغك

 اولا

• مينفعش تبقى شخصية كسولة و مش بتعرف تدير الوقت صح لازم بتحدد لنفسك تاسكات تعملها ( سكرتير نفسك )

ثانيا

• لازم تبقى محدد انت تقدر تقدم ايه و الخدمات الى ممكن تقدمها ( مدير اعمال نفسك )

ثالثا

• لازم يبقى عندك مهارات تواصل لانك هتتكلم منك للعميل وش ( علاقات عامة يعنى )

رابعا

• لازم تعرف يعنى ايه بيع لانك طبعا بتبيع للعميل اللى انت بتقدمة ( مدير مبيعات نفسك )

خامسا

• طبعا روح المخاطرة لانك مش هتشتغل فرى لانسر النهاردة هتلاقى عملاء بكرة  ( بتخطط لنفسك )

سادسا

•  لازم تكون بتعرف تدير السيولة اللى معاك كويس  لانك انت دخلك مش ثابت ( المدير المالى لنفسك )

سابعا

• لو بتعمل شغلك عشان سبوبة و خلاص من العميل ( سمعتك يعنى ) مش بتطور من نفسك و مش بتعرف المنافسين بتوعك اللى فى مجالك شغالين ازاى هتقع بسرعة ( مدير تسويق نفسك )

و دى رسالة لكل واحد حابب يبقى فرى لانسر او لكل واحد فاكر ان الفرى لانسر ناس شغلهم سهل و بتوع سبوبة و الناس اللى فكرة اننا بتوع الاف الدولارات فى الشهر ( حتى لو فيه ناس بتكسب كدة مش من فراغ )

احب اقولهم بهذا الصوت الاجش

THIS IS FREELANCER