اكبر و اكتر يوم بيحصل فيه عروض و خصومات فى السنة
هو الـ #Black_Friday او الجمعه السوداء
– ياترى ايه اصل الكلمه وليه اتسميت كدة ؟
موعد الجمعة السوداء البلاك فرايدي Black Friday و اصل الحكاية
البلاك فرايدي Black Friday او الجمعة السوداء او الجمعة البيضاء
اكبر و اكتر يوم بيحصل فيه عروض و خصومات فى السنة
– ياترى ايه اصل الكلمه وليه اتسميت كدة ؟
– ياترى البلاك فرايدي يوم ايه ؟
⬅️ اصل التسميه
بيرجع لسنه 1896 لما حصل ازمه اقتصاديه كبيره فى امريكا 🤭
حصل كساد و ركود كبير جدا فى السوق محدش عنده قوة شرائية يشترى اى حاجة عملوا خصومات و تخفيضات كبيرة جدا
و فى علم المحاسبة اللون الاسود بيدل على التخلص من السلع و الاحمر بيدل على الركود
⬅️ فى قصة تانية بتقول
ان في 1960 فى ولاية فيلادلفيا حصل اختناق مروري كبير جدا 🚦 فى اليوم دا بسبب العروض و الخصومات و زحمة لدرجة تصل للفوضى فالشرطة 🚔 قالت ان دا يوم اسود بالنسبالهم
⬅️ طيب امتى بقى اليوم دا ؟
هو اليوم اللي بيجي بعد عيد الشكر اللي موجود في امريكا
يكون في اخر شهر نوفمبر او الجمعه الاخيرة منه
دا بيكون بدايه موسم شراء الهدايا بتاعه عيد الميلاد الكريسماس 🎁🎄
اليوم دا بيكون فيه خصومات كبيرة فى امريكا بتوصل لحد 90 % 🤑
من اول يوم ده الناس كلها بتقف قدام المحلات بالطوابير 👨👩👦👨👨👦👦 مستنينها اول ما تفتح
و طبعا اول ما تفتح مقولكش هجووووووم و 😂 اللى يلحق يشترى بقى
و من وقتها بقى يوم عالمى للعروض و الخصومات
⬅️و بدات تنتشر عندنا فى الوطن العربي
مع انتشار مواقع التجاره الالكترونيه زي امازون و جوميا وسوق كوم
بس طبعا زى ما انتوا عارفين احنا كعرب لازم نحط التاتش بتاعنا 😂🤚 لان دا يوم مقدس عندنا فامينفعش نسميه اسود عشان كدة بقى اسمه White Friday – الجمعة البيضاء
بس احنا كمان عندنا مناسبات ممكن نستغلها زى رمضان و الاعياد و فعلا بيحصل الى حد ما
يعنى ايه ترند فى السوشيال ميديا طب يا ترى هنعرفه و نستعد ليه ازاى ؟
⬅️ اما بالنسبة الـ Pink Friday 😂😂
دا مسمى ممكن نستغله و يبقى اليوم العالمى لتسوق السيدات 💃💃 و يبقى فيه تخفيضات على اى منتجات تخص السيدات فقط 🤪
و الله هنعمل من وراهم احلى شغل .. احلى شغل 😂🤚
✔️ ياريت بقى نعمل شير عشان غيرنا يستفيد و بالمرة ننشر موضوع الـ Pink Friday دا 😂✋
لو حابب تتابعنى على اليوتيوب
ديجيتال ماركتينج بالعربي 