الديجيتال ماركتينج
الديجيتال ماركتينج دا بيتكون من ايه ؟
فية اكتر من تخصص و مجال و هنتكلم عن كل تخصص لوحده بعد كدة بس المهم دلوقتى نعرف ايه هى التخصصات دى
⬅:Website
اول حاجة فى اساسيات الديجيتال ماركتينج ان يكون فيه website لان دا ببساطة هو مقرك او مكانك فى عالم الانترنت اللى الناس تقدر تتواجد فيه فى اى وقت و من اى مكان و تعرف كل حاجة عن شركتك و المنتجات او الخدمات اللى بتقدمها
⬅:Content Marketing
زى ما قولنا قبل كدة ان المحتوى هو الملك فى دنيا التسويق الالكترونى اللى من خلاله بتكلم الناس و بتعرفهم بنفسك و توصلهم الرسالة التسويقية بتاعتك
⬅:Social Media Marketing
اللى تاعبه كل الناس
و دى من اهم الوسائل اللى تتواصل بيها مع جمهورك و عملائك و كمان من خلالها تكبر البراند بتاعك و توصلك لمرحلة ان العميل يبقى مسوق ليك
⬅:SEO – SEM
دول ايه لمؤخذة
SEO – Search Engine Optimization
و دى بشتغل عليها عشان نخلى الويب سايت بتاعنا يظهر فى النتائج الاولى لمحركات البحث و دى من غير فلوس كل الحكاية شوية مجهود
SEM – Search Engine Marketing
دى برضه لنفس الهدف بس بفلوس يعنى بنعمل اعلانات
و طبعا حكايتهم لسه مخلصتش هنكلم عنهم بالتفصيل المرات اللى جاية
⬅:Online Advertising
و طبعا اى حملة تسويقية محتاجه يتعملها اعلانات بس دى اعلانات اونلاين
⬅:E-Mail Marketing
من قنوات التسويق الالكترونى لانك تقدر توصل لعميلك المستهدف من خلاله
⬅:Mobile Marketing
و بما ان تقريبا مفيش حد على الكوكب مش معاه موبيل كمان ممكن تستهدفهم عن طريق نوع الموبيل و نظام تشغيله
⬅Analytics
و طبعا عشان تعرف مدى نجاح خطتك التسويقة اكيد محتاج تحلل المعلومات و النتائج اللى وصلت ليها
⬅⬅ و بما ان سلوك العميل من اهم الحاجات فى التسويق و ان التكنولوجيا بتفرض سيطرتها على العالم و ان كل حاجة بقت اونلاين من اول تبادل المعلومات و نهاية بعقد صفقات و ممكن نسمع قريب عن معاهدات اونلاين
فان التسويق الالكترونى هو الحاضر و المستقبل للوصل الى العميل المستهدف
رأي واحد حول “الديجيتال ماركتينج دا بيتكون من ايه ؟”